اهلا بكم فى مدونة اسير الجراح

الثلاثاء، 19 أغسطس 2008

سؤال قلبى




سال دمي على اوراقي فظننت أن موتي أقترب


ولكني استجمعت قواي عندما تذكرت قلبي الذي نبض


سألت قلبي: هل مازال يذكرك؟


فأجابني باكياً: وكيف أنسى من أحيا بداخلي الأرق


كيف أنسى دموعي وحيرتي


كيف أنسى دمي الذي سال على الورق


فواسيته وقلت له: تذكرت هذا ونسيت الحب الذي بات فيك يوماً


انسيت عندما أحياك من جديد فأجابني:


وهل ينسى سبب العذاب والقلق


فسألته : أمازلت تحبها


فأجابني وهل أكره من أذاقني طعم الحياة


وهل أكره من علمتني السعادة في حياة ليس بها إلا الأه


مازلت أحبها وأذكرها وأضمها بفكري


وأعاتبها وأكلمها فهي مازالة بداخلي


لم تتركني لحظة فعلمت لماذا سال دمي على الورق


فلقد بكى قلبي ولم يستطيع تجفيف دمعه الذي أغرق الورق


لأنه أحب وفجأة


لم يجد أحد فجرح قلبي وسال دمه على ورق

هناك 41 تعليقًا:

أسير الجراح يقول...

اغلى واحن واطيب قلوب


كل سنة وانتو طيبين


التعليق دة بكتبة للجميع


انا مطر اغيب فترة عن المدونة


وعن اجمل ناس عرفتها فى حياتى



ودة لاجراء عملية


شفتو بقى اخرة الكورة عملت اية فيا


دعواتكم


هتوحشونى اوى اوى اوى اوى اوى


ويارب ما يكونش حد زعلان منى



ولو حد زعلان منى يسمحنى



انا بحبكم اوى



لا اله الا الله

نـــــور يقول...

الله الله
هعتبر انى اول تعليق
ياخبر يااسير الف سلامه عليك
انا والله بكره الكورة دى اخس عليك ليه تعمل فى نفسك كده؟؟؟؟؟؟؟؟

ربنا يرجعك ليا بالسلامه يارب ولمدونتك ومحبينك
زعلتنى عليك قوى قوى

هروح اقرا وارجع اعلق

نـــــور يقول...

انا جيت بسرعه اهه
مش عارفه اقولك ايه والله يااسير
الحكايه صعبة جدا بس كان ليا ملحوظتين

الاولى
"سألت قلبي: هل مازال يذكرك؟

فأجابني باكياً: وكيف أنسى من أحيا بداخلي الأرق"
مش المفروض دى تبقى هلى مازلت تذكره؟

علشان الرد يبقى مظبوط

التانيه
"وأعاتبها وأكلمها فهي مازالة بداخلي"

مازالت كده ت مش مازالة كده ة

دى علشان تبقى احسن

وبعدين انا زعلانه منك

فى ردك على تعليقى بتاع البوست اللى فات بتقولى هبه؟؟؟ هبه مين يااستاذ انا حبيبة
اللى واخد عقلك انشالله مايتهنى بيه
ههههههههههههه

وبعدين انت بتقولى علشانى البوست ده
متشكرة ياقمرى بس مش فاهمه علشان خاطرى ازاى يعنى ؟؟

ترجعلنا بالسلامه ياقمر وابقى طمنا

مستنينك ومحمد رسول الله

فراشة البساتين يقول...

الف سلامة عليك يا احمد

ترجع بالسلامة ان شاء الله

قلوبنا ودعواتنا معاك

--------------------------------

مش هقول رايى فى البوست غير لما ترجع بالسلامة

الى لقاء قريب باذن الله

رندا يقول...

مش قادرة اقول ولا كلمة

انا مخضوضة اوى
فى اية بس خير يارب

ربنا ينجيك من كل شر يارب
ويبعت ليك كل الصحة والعافية

اسير ربنا يرجعك بالف سلامة يارب

من ساعة لما قريت ردك عندى ودخلت هنا وانا بجد مش قادرة قلبى اتخطف منى كدة برضة

سلامتك
سسلامتك
سسسسلامتك
سسسسسسسلامك
سسسسسسسسسسلامتك
سسسسسسسسسسسسسسسسسسلامتك
سسسسسسسسسسسسسسسسسسسسسسسلامتك
سسسسسسسسسسسسسسسسسلامتك
سسسسسسسسسسسلامتك
سسسسسسسلامتك
سسسسلامتك
سسسلامتك
سلامتك

من كل شر

مش وقت بوست معلش هبقى ارد بعدين لما تطمنى عليك وتقولى رندا انا بخير
يعنى انا اعمل اية انا بقى دلوقتى طيب
اطمن عليك ازاى طيب

ان شاء الله هتقوم بالسلامة يارب
هدعيلك من كل قلبى


كلنا بنحبك اوى اوى

سيدنا محمد رسول الله

رندا

ماء تشرين يقول...

اى ده هو انا لما اجى عشان اقولك انى امبارح سهرت على المدونه قرتها لحد اخرها القيك تعبان بجد الف سلامه عليك والبوست الجديد جميل ومرسي اوى على زيارتك مدونتى مدونتك بجد رائعه مليانه احساس ومشاعر يمكن افتقدها الرجال في هذا الزمان بجد الف مليون سلامه وابقه طمنا على اخبارك
دمت بخير وسعاده

Maha Shahen يقول...

الف سلامه ليك يا اسير
ربنا يرجعك لينا بالسلامه يا رب
وخد بالك شوية من نفسك الله يكرمك
وبلاش كوره دا رمضان لسه مجاش حتى
كل سنه وانت بخير يا رب
ورمضان كريم
وترجع لينا بألف سلامه وصحه يا رب
ربنا يشفيك ويعافيك من كل شر

شهرزاد يقول...

محمد رسول الله
مش خبرية أبدا
ألف سلامة عليك
ربنا معاك ويحميك
ربنا يقومك بالسلامة إن شاء الله

هتوحشنا جدا
وبعد الشر عنك

أسأل الله لك الصحة والعافية والشفاء التام إن شاء الله..

وبالنسبة للبوست
كلمات رائعة جدا
وإحساسك عالي جدا ولكنه حزين
ربنا يملأ أيامك كلها سعادة وفرح وحب

وما تنساش تطمنا عليك

ألف تحية لك

شهرزاد

Saadya Arafat يقول...

جميل جدا

كلمات روعه

يا اسير الجراح

شفاك الله وعافاك

ربنا يرجعك بالسلامه


تحياتى

:)

أسير الجراح يقول...

السلام عليكم
انا هيما زميل احمد انا انا فتحت المدونة بتاعتة لقيت ان احمد مش محبوب منى انا بس دى الناس كلها بتحبة ويمكن اكتر منى بصراحة كش مصدق ان فى نا س مخلصين للصداقة كدة ودة اللى خلانى اسيب تعليق على مدونتة ربنا يرجعة لينا بالف سلامة ما تقلقوش هو هيقوم بالف سلامة ان شاء الله وبعدين انا مش حبعد عنة احمد اخويا زى ما هو اخوكم ان شاء الله يرجع لحبايبة اللى هو مش بيقدر يستغنى عنهم صحيح انا كنت داخل علشان هو كان مكلفنى اسيب تعليق لشخص معين بس بعد ما لقيت كلكم حبينة اقدر اقولكم ان الشخص دة هو واحد موجود وسايب كمان تعليق دعواتكم لاغلى قلب
0127773602دى نمرة احمد لو حد حب يطمن علية بس ياريت دعواتكم يرجع بالف سلامة بردو اسمة مش حيتشال من المدونة ولا من اى حتة اسير الجراح

Sometimes the heart sees what is invisible to the eye يقول...

لما تيجى هابقى اديك التعليق الف سلامه ورمضان كريم

Sometimes the heart sees what is invisible to the eye يقول...

سورى يااحمد هاديك التعليق عشان يمكن اغيب كتير بعد كده اولا انا زعلانه منك اووى ازاى رايح تعمل عمليه وانا موجوده يلا خسرت كتير ربنا يشفيك يارب عموما كويس انك ما جتليش انت شكلك زملكاوى وانا اهلاويه اصلى خلى بالك ما علينا ربنا يرجعك بالسلامه ...........ثانيا بص ياسيدى البوست اللى فات والبوست ده هاعلق على الاتنين فى واحد انت عارف ياحمد هاقولك حاجه بالرغم من اللى بيجرالى الا مش دايما بكون حزينه اووى زيك كده عارف ليه عشان بنسى اى زعل وافتكر احلى زكريات كانت بينى وبينه مع انه اوقات كتير كان بيجرحنى بكلامه بس كنت بخاف ارد على كلامه بكلام يوجعه لانى عارفه انى زى ما هاشربه الكاس انا كمان هاشرب منه عشان كده كنت بصبر على قد ما اقدلر وانت ياستاذ تعال هنا انت ازاى بتقول انها خانتك وانت ما صارحتهاش بحبك ليها ده لغز ده ولا ايه عموما يااحمد لو بتحبها حقيقى سامحها وعرفها ان انت غيور اووى كده وهى لو بتحبك مش هتفكر تعمل الللى بيضايقك تانىوسامحها عشان رمضان على الاقل بالمناسبه كل سنه وانت طيب يارب بلغنا رمضان قول امين وجرب بقى اللى قولتلك عليه وانت تبقى اسير الحب مش الجراح ومين هيبقى قدك ياعم بس ابقى افتكرنا بس وابقى ادعيلى انا كمان اصل الامتحانات قطمت وسطى ودمرت كل حاجه يلا سلااااااااااام ما تنساش العمليه الجايه من نصيبى انا اللى هعملها هههههههههه انا بهزر طبعا تروح وتيجى بالسلامه ...........رمضان كريم....على فكره الشريحه بتاعى بعيد عنك اتحرقت من حاجه اسمها puk لا اله الا الله اشوفك على خير

*الطالبة عفو الله *زوزو يقول...

سلامتك الف سلامة ليك يا اسيرة
تروح و ترجع بالسلامة
و ربنا معاك في العملية
و ابقى طمنا عليك اول ما تقوم بالسلامة ان شاء الله على طول
و كل سنةو انت طيب
دمت في حفظ الله

رندا يقول...

هيما

اول لما قريت اسم اسير قلبى اتخطف

قلت اهو رد اهو وطلع مش هو :(

طمنى ارجوك عامل دلوقتى احمد

ربنا يكرمك يارب ويشفية من كل مرض

ابقى قولة بلاش بقى كرة مفيش داعى منها

اسير قلوبنا كلنا اسير الجراح

جرحت قلوب الكل بخير تعبك

ربنا معاك بدعيلك ليل نهار ربنا الى يعلم

هيما ارجوك ابقى طمنا على طول ربنا يكرمك ياهيما يارب

مش تسيبة لوحدة ابدا خليك جنبة وادعيلة على طول

واول لما يقوم بالسلامة لازم ضرورى تطمنا
انا ان شاء الله كل يوم على قد ماقدر هدخل اطمن بس قول عمل العملية ولا
وقول هو بخير الحمد لله

ربنا معاك ويرجعك لينا سالم غانم يارب

كل الحب

رندا

DINA ABBAS يقول...

اااااااه لك ادمت كلمات قلبى انا الاخرى

فتلك الكلمات جعلتنى اشعر انك خضت بداخلى

وعلمت ماشعرت به يوما من الم الحب

اسير

حقيقة لا اجد ما اقوله لك لان قلمك هذه المره

ابهرنى جدااا

ولكن اود ان اقول اك ان الحياه سوف تستمر

وستجد يوما ما من يغير قلب من جديد

تمنياتى لك بقلب جديد

لك منى كل التحيات

واعتذر عن تاخير فى الرد

عاشقة الاستقرار

DINA ABBAS يقول...

الف سلامه عليك يا اسير وربنا يارب يرجعك بالسلامه

ونشوفك كده منور المدونه كلها من جديد

لك منى كل التحية

الملاك يقول...

السلام عليكم ورحمة الله وبركاته
اخى اسير الجراح
اسال الله العظيم رب العرش العظيم ان يشفيك
اخى لقد دخلت من قبل وعلمت بالامر ويعلم الله كم حزن قلبى فظل يدعو لك بالشفاء العاجل حتى اننى لم استطيع التعليق ولو بكلمة واصدقك القول بانى حتى الان لا اجد ما اقوله غير بعض الدعوات التى ينطقها قلبى ولسانى دائما بان يعفى الله عنك وينعم عليك بالشفاء العاجل

ولكن اعلم اخى ان المرض هو من يشعرنا دائما بان الله مازال يذكرنا ويريد ان يطهرنا مما يعلق بينا احيانا ونحن لا نشعر لذلك فانا اعده من علامات حب الله لنا

اخى اسال الله بان يتم عليك الشفاء قريبا وان يديم عليك الصحه والعافيه حتى تعود الينا بكل خير

اخى استودعك الله الذى لا تضيع ودائعه

أسير الجراح يقول...

السلام عليكم ورحمة الله وبركاتة
احب اطمن الجميع الحمد لله احمد عمل العملية انهرضة الصبح وانا كنت معاة طول الليل سالنى عن المدونة واللى فيها قولتلة انى مش انا بس اللى بحبك دة فى ناس اكتر منى بتحبك ما تتصوروش هو كان فرحان قد اية ودموعة نزلت لما قولتلة ان فى ناس كتير محتجاك ومحتاجة قلبك هو باعت السلام للجميع والحمد لله هو كويس بعد ما عملى العملية انهرضة انا كنت عندة وقعدت معاة هو ان شاء الله حيخرج من المستشفى انهرضة او بكرة لانة مش قادر يقعد هناك اتخنق من اللى فيها اتمنى من الله عز وجل ان تمر الايام ويعود لنا اغلى واوفى اخ
ان شاء الله انا حبلغة بكل حاجة موجودة وحبلغة بحبكم ودعواتكم
اسير الجراح احمد ويكا

نـــــور يقول...

متشكرين قوى ياهيما انك بتطمنا عليه بجد احمد عسول جدااا ويارب يقوم لنا بالسلامه
بلغه سلام خاص دا منى ليه ودعوات من كل قلبى انه يرجع بالف سلامه
ربنا يعلم انى كان نفسى اتصل اكمن عليه بس مكانش ينفع لظروف خاصه بيا لكنى هحاول تانى

ربنا معاه وقلوبنا كمان معاه
وربنا يجزيك خير على وقوفك جنبه

جزيت خيرا

رندا يقول...

الــحمد لله

الــــــحمد لله

الــــــــــحمد لله


رندا

أسير الجراح يقول...

ازيكم يا جماعة
الحمد لله احمد خرج من الممستشفى ورجع البيت انهرضة والله باعت سلام من قلبة وان شاء الله هو هيقعد انهرضة شوية وحخلية يسيب ليكم تعليق ان شاء الله باعت السلام للجميع ومن عنية يا حبيبة حاضر حوصلة السلام المخصوص جدا راند فى سلام مخصوص واصل من احمد وبيقولك يارب تكونى بخير وبيقولك بلاش سفر تانى سلام للجميع من اغلى اسير
هيما +احمد =روح واحدة اسير الجراح ويكا

طوبه فضه وطوبه دهب يقول...

الف سلامة خير إن شاء الله

رندا يقول...

هيما

قولة دعواتى لية فى كل وقت

وحاضر خلاص انا راجعة ان شاء الله على يوم الاحد ومفيش سفر تانى

بس هو يقوم بالسلامة يارب

وبلالالالاش كرة بقى ماشى

ربنا معاك يارب يااسير ويسعدك يارب

رندا

نـــــور يقول...

الف حمد الله على سلامتك ياقمر
مبسوطه قوى انك جيت طمنتنى عليك
وان ربنا قومك بالسلامه وخرجك من المستشفى اللى كان تاعبك ده

بجد حمد الله على سلامتك
كل سنه وانت طيب وبالف خير وبطل لعب كورة بقى....علشان خاطرى

يلا
اشوفك قريب بقى بتعلق على بوستاتى وسامحنى على تقصيرى ى السؤال او الاتصال بيك ربنا يعلم

سلام دمت فى حفظ الله

كاميليا بهاء الدين يقول...

مازلت أحبها وأذكرها وأضمها بفكري

وأعاتبها وأكلمها فهي مازالة بداخلي

لم تتركني لحظة فعلمت لماذا سال دمي على الورق

فلقد بكى قلبي ولم يستطيع تجفيف دمعه الذي أغرق الورق

.....

الإبحار مع كلماتك أصبح هواية شديدة الخطورة

ابدعت فى هذا البوست

ما أجمل الوفاء فى الحب

دمت بكل الخير

تحياتى

كاميليا بهاء الدين يقول...

محمد رسول الله

ادعو الله ان يكتب لك السلامة والشفاء

فى انتظارك يا اسير

لا تغيب كثيرا

طمنا عليك


تحياتى

Unknown يقول...

اسير الجراح
كلماتك جميلة جداا
وحزينة جداا من الواضح ان الحل والحزن شريكين لا يفترقان

اما عن غيابك فتروح وترج بالسلامة يارب
وان شاء الله لا تطول الغياب
رمضان كريم

ريمان يقول...

السلام عليكم

ازيك يا اسير

شفاك الله وعفاك

والف حمد الله على سلامتك

انا كنت زعلت لما عرفت انك نزلت بوست من غير ما تقولى زى كل مره

بس عذرتك اما عرفت انك تعبان

شفاك الله وعفاك

وكلمات البوست جميله اوى

واضح انك غيرت لون المدونه للاسود لانك اكيد تعبان نفسيا

اسال الله ان يفرج همك

yoyo يقول...

احمد
الف مليون سلامة عليك يا غالى
ربنا يرجعك لنا بالف سلامة يارب
يا احمد خلى بالك من نفسك شوية فى ناس كتير والله بتحبك ويهمها سلامتك ربنا يرجعك لنا بالف خير وسلامة
وربنا يخلى لك هيما ومش يحرمكم من بعض ابدا ولا يحرمنا منك
انا مستنياك ترجع تنور مدونتك وتنور المدونات كلها
تحياتى
يويو

فراشة البساتين يقول...

احمد

انت ما زهقتش من النوم فى السرير ولا ايه

يلا تعالى بقى وبلاش كسل

كلنا فى انتظارك

ترجع بالسلامة ان شاء الله

ربنا يتمم شفائك على خير

شهرزاد يقول...

ألف حمد لله على السلامة يا أسير
الظاهر أني جيت متاخرة..
المهم الحمد لله على سلامتك
دعواتي بالشفاء التام إن شاء الله
ومتتأخرش علينا أصلك وحشتنا جدا
وكل المحبين أهو بيسألو عليك

ألف تحية وسلام لأجمل صديق

أسير الجراح يقول...

اهدى حبى واحترامى لاغلى الناس


وحشتونى اوى اوى اوى

يارب انتو تكونو بخير



كل سنة وانتم طيبين

رمضان كريم

تعليقاتكم بكتنى والله


ربنا ما يحرمنى منكم يارب


شكر خاص للغلية يويو


شكرا ليكى يا اجمل اية

يارب اقدر ارد ليكم الجميل


ربنا يقدرنى


حبى واحترامى للجميع


كل سنة وانتم طيبين


اسف انى مش حقدر ارد على تعليق تعليق


والله غظب عنى بس وعد حرد عليكم


واحد واحد


تحياتى



اسير الجراح

الملاك يقول...

السلام عليكم ورحمة الله وبركاته
اخى اسير الف الف حمد الله على سلامتك
بجد انا كنت متابعه المدونه باستمرار علشان اطمن عليك وصديقك جزاه الله خيرا كان بيطمنه عليك بس بجد انا مش مصدقه
الحمد لله الحمد لله الحمد لله
عودا حميدا اخى فى الله نورت مدونتك وعالم التدوين كله
ربنا يتم عليك الشفاء ويحفظك من كل سوء وحمد الله على سلامتك

مستنيانك ومستنين بوستك الجديد قريب ان شاء الله فلا تجعل انتظارنا يطول

دمت اخى برعاية الله

ماء تشرين يقول...

الحمد لله انك بخير انا دخلت اطمن الحمد لله وانشاء الله مستنين بوست جامد كده قبل رمضان
ورمضان كريم عليك وعلى كل المسلمين

.. نرمين زين الدين .. يقول...

السلام عليكم ورحمة الله وبركاته

أولا أنا اسفه جدا علي التأخير
ثانيا البوست أكتر من رائع
ثالثا ألف سلامه عليك و إن شاء الله تقوم بألف سلامه ..

اللهم بلغك رمضان بكل خير
وجزيت الخير

رندا يقول...

الاخ المجل احمد باشا

ها اخبارك اية يارب تكون بخير

خلى بالك هحجزلك بعد كدة فى جرى المارثون ههههههههههه

يارب تكون بخير يارب

وحشتنا اووووووووى خالص

ممكن من فضلك تخلى بالك على نفسك

رمضان كريم

رندا

yoyo يقول...

اسير
حمد لله على سلامتك
منور المدونة ويارب دايما كدا بالف خير
مش تقول كدا لا شكر على واجب ربنا يعلم معزتك اد ايه
خلى بالك من نفسك شوية
وكل سنة وانت بالف خير
تحياتى
يويو

زى الهوا يقول...

يلا منتظرينك تقوم بالسلامة وبعدين يلا شد حيلك بسرعة قبل رمضان علشان تعرف تصوم ( إن شاء الله )

فراشة البساتين يقول...

حمدالله على السلامة

رمضان كريم

كل سنة وانت طيب

Sometimes the heart sees what is invisible to the eye يقول...

الحمد لله انك بخير يااحمد انت ايه اخبارك كل سنه وانت طيب ويكون شهر رمضان خير عليك اشوفك بخير

أسير الجراح يقول...

السلام عليكم


ازيكم يا جماعة وحشتونى اوى



انا حنزل بوست كنت نزلتو قبل كدة


بس فعلا دة اهداء منى لاختى الغالية يويو



اتمنى يعجبكم يارب



اسير الجراح