اهلا بكم فى مدونة اسير الجراح

الاثنين، 6 أكتوبر 2008

تاج

فى الأول اعتذرللغالية يويو عن التاخير فى الردعلى التاج
بسم الله الرحمن الرحيم
س1 : بدأت التدوين امته ؟
بدأت التدوين من شهر فبراير 2008 بفضل صديقتى الغالية مى صاحبة مدونة مدينة الملائكة ودة بتشجيع منها

س2 : كان ايه انطباعك؟
فى الأول كنت حاسس بخوف لان دة عالم جديد عليا وكان كل املى انى اثبت وجودى والحمد لله قدرت انى اخد على الجو بسرعة وكان اهم حاجة اكسب حب الناس والحمد لله ربنا وفقنى والله واعلم بداخل قلوب المدونين بس بصراحة كسبت ناس كتيرة جدا


س3 : أكثر واحد بتهتم بتعليقه فى بوستك ؟
كل واحد بيدخل المدونة ويهتم أنه يعلق على البوست أكيد بيهمنى جدا وخصوصا لما أحس أنه قرأ البوست بالفعل مع ان فى اشخاص معينة بحب تعليقاتها جدا

س4 : أهم حاجة اتعلمتها فى عالم التدوين ؟
اتعلمت حجات كتيرة طبعا اهمها الثقة بالنفس

س5 : ايه أكتر حاجة كرهتها فى التدوين؟
يعنى لما بحس ان فى شخص داخل علشان يهاجمنى او يسيب تعليق من غير راى
س6 : حاسس أن التدوين له أثر؟

اكيد له أثر كبير عالم التدوين اولا معظمنا مش بيعرف بعض بشكل مباشر

والحب متواجد بين بعضنا ودى حاجة بفضل الله سبحانة وتعالى
س7: اذكر 7 حاجات نفسك تعملها ؟
1- رضا ولدى وولدتى عنى

2-اخلص جيشى هههههههههههة مع انها هانت كلها 7 شهور
3- أحسن ان ربنا راضى عن كل تصرفاتى
4-نفسى اسافر هولندا لانى بحب البلد دى جدا .
5-اشوف اخويا عبد الرحمن يحقق حلمى اللى انا مقدرتش اوصلة اللى هو يكون لاعب كورة مشهور ودة ان شاء الله انا واثق فية

6-احاول اقنع نفسى ان الشئ اللى يروح منك من السهل تعويضة .
7-افرح بهند اختى بتخرجها ان شاء الله

س8 : اذكر 7 حاجات معرفتش تعملها ؟
1-معرفتش ابيع الشخص اللى يبعنى

2- معرفتش احقق حلمى اللى هو الكورة ودة بسبب الاصابة الحمد لله على كل شئ
3- معرفتش اتعلم الكرة لاى سبب .
4- معرفتش أسافر زى ماكنت بأتمنى.
5-معرتش اكمل دراستى بسبب الكورة .
6- معرفتش افصل بين قلبى وعقلى فى التعامل.
7-معرفتش افضل صاحب عن صاحب مع ان فى صاحب مصلحة .
س9 : ايه معنى السعادة من وجهة نظرك؟ وحاسس انك سعيد؟

من وجهى نظرى السعادة لما احس ان ربنا راضى عنى ورضا اهلى طبعا
س10 : امته حسيت انك ظلمت انسان وليه؟ محتاج للحظة رضا منه؟

انا الحمد لله بحسب الكلام قبل ما اقولة علشان ما اقولش حاجة تظلم الشخص اللى قدامى او تجرحة
س11 : بتعمل ايه لما تكون مضايق بعد ما تصلى ؟
الصلاة طبعا عمر الانسان ما بيكون مضايق بعدها
بس انا لما بكون مضايق احب اقعد فى مكانى المفضل اللى هو البحر
برتاح وانا موجود هناك
س12 : امته حسيت انك اتظلمت؟ وليه؟
الاحساس بالظلم شئ مش سهل حسيت بية لما فكرت احب .
س13 : ايه اكتر احساس عندك الايام دى تجاه نفسك والآخرين ؟

اكتر حاجة بحسها انى قربت اخلص جيش هههههههههههة وحاسس بفرحة بينى وبين زمايلى اللى حيخلصو معايا طبعا هم الواحد ما حيصدق يخلص منة
اس14 : امته ممكن تتنازل عن حق من حقوقك والسبب ؟
حقى عمر الانسان ما بيتنازل عن حقة لو هو صاحب حق بس اتنازل لو لحاجة معينة .

س15 : 3 وردات لمين؟
الوردةالأولى : بهديها لاغلى هيما فى الدنيا ودة انتيمى وروحى

:الواردة الثانية بهديها :لاسرتى كلها
الوردة الثالثة : بهديها لصاحبة التاج يويو وبقولها كل سنة وانتى طيبة يا قمرنا
وبرافو عليكى اول تاج اجاوب علية من ساعة ما دخلت عالم التدوين يكون من شخصية جميلة مثلك .
س16 : لو تزوجت و انجبت هتسميهم ايه؟
هههههههههههههة السؤال دة اللى كنت خايف منة وجة وقتة بس لازم اجاوب علشان دة تاج الصراحة

( مى&ياسمين &هيما) أنا بحب الأسماء دى جدا

الحمد للهخلص التاج وانتهيت منة

اهداء التاج لمين ؟
امممممممممممممممم

والله انا حقول الدعوة عامة

اتمنى انى اكون وفقت فى الامتحان والحمد لله

واعتزر فى الفترة القادمة لعدم تواجد لاجراء عملية

دعواتكم تهمنى

كل عام وانتم بخير وتحياتى للجميع

اسير الجراح .

هناك 24 تعليقًا:

كاميليا بهاء الدين يقول...

اول تعليق

اوكى؟

لى عودة

كاميليا بهاء الدين يقول...

اسير الجراح

تروح وترجع بألف سلامة يارب
ربنا معاك

مش عارفة ليه بتحب هولندا؟
مع انها اتغيرت كتير اوى
تجاه العرب عموما
هبقى اقولك التفاصيل اذا خططت للسفر

اجابت مميزة تعكس شخصية جميله

كل الاحترام

blue-wave يقول...

الف سلامه عليك
ويتملك العمليه على خير يارب

رندا يقول...

ياتيجانك ياهولندا هههههههه

هرد اقول اية بس شخصيتك بسيطة قلب طيب احترام فوق الوصف يعنى من الاخر اجمل شخص يامعلم

وعايز تروح هولندا مابلالالالالاش
اقولك بلالالالاش
ياعمنا بلالالالالالالالالاش هههههههههه

بص اقولك

خليك فى مصر احسن اهو الى نعرفة احسن من الى مش نعرفة

وبعدين تعالى هنا قولى

انت مش هتسمى بنتك رندا ولا اية يعنى
مليشى دعوة بقى رندا ومفيش غيرة هههه
ترجع بالف سلامة يارب
وان شاء الله هتكون باتم صحة وفل الفل كمان
دعيالك من كل قلبى
انا هستنا كل يوم على باب المدونة ماسكة ورد وشكولاتة كمان
لما تقوم بالسلامة تبقى تاخدهم منى بقى

يارب يارب ترجع سالم غانم بصحة وسعادة
وبلاش بقى اهمال فى صحتك تانى من فضلك

ماما

رندا

yoyo يقول...

فى الاول كدا فى مش اعتذار بين الاخوات يا أبو حميد

اجابتاك جكيلة يا أحمد بالفعل نفس الاحساس فى البداية اول دخول عالم التدوين بس مشاء الله عليك اللهم لا حسد يعنى مدونتك منورة بين المدونات

هانت الجيش لهوا هيخلص خلاص
هولندا يا موتوسيكلاتك يا هولندا هههههههههههه

ان شاء الله تحقق كل احلامك يارب
وان شاء الله هنفرح بيك وعبد الرحمن وكمان هند يارب

فى تشابه كبير اوى فى نقاط كتير يا ابو حميد ههههههههه اه مش اخوات بقى

تسلم يارب والله قبولك للتاج دا شرف كبير والله واهداء الوردة ليا دا شىء يسعدنى جدا جدا ربنا يديم الحب والمعروف بينا يا احمد يارب

كان نفسى اكون اول تعليق بس انت عارف على ما خلصت بقى

وان شاء الله ترجع لنا بالف مليون سلامة يا احمد وخلى بالك من نفسك شوية وياريت تبقى طمنى عليك

ربنا يحفظك يارب
تحياتى
أختك
يويو

أسير الجراح يقول...

اولا كل الشكر للغالية كامى


اقولك هولندا دى حكايتها اية معايا

انا بحب هولندا من اجل الكورة بتاعتها

يعنى فى ناس معينة فى الكورة بحبها من هولندا

فدة سر اعجابى بهولندا


كل الود والحب لاغلى كامى



اسير الجراح

أسير الجراح يقول...

blue-wave

شكرا ليك يا باشا


تسلم من كل شر


اسير الجراح

أسير الجراح يقول...

ماما رونى


مش قادر اوصف سعدتى بيكى

بجد انتى اجمل واحن رونى فى الدنيا


كل الاحترام والتقدير لاغلى وارق رونى



اسير الجراح

أسير الجراح يقول...

اغلى وارق يويو


بجد مش عارف اقول اية ولا اية


بس اهم حاجة انك عارفة انا عاوز اقول اية


اشكرك من قلبى على تعليقك الجميل


كل الحب


اسير الجراح

DINA ABBAS يقول...

اسير اولا ربنا يقومك بالسلامه ويتم شفاك على خير

اجابتك جميله جدا وكمان صادقه اوى

وانا جيت اهو عشان اخذ التاج وشكرا عليه جدا وان شاء الله هجاوب على كل الاسئله اللى فيه

لك منى كل التحيه والتقدير

أسير الجراح يقول...

عاشقة الاستقرار


اشكرك جدا على التعليق الجميل


ان شاء الله تجوبى


اشكرك على قبولك التاج


وكل سنة وانتى طيبة يا قمرنا




اسير الجراح

elsha3er يقول...

يرجى انا تشاركونا فى مدونتكم

مدونى الاسكندرية

www.firstway1.blogspot.com

احمد الشاعر

نـــــور يقول...

ازيك يااحمد
عمليه تانى ؟؟؟؟
سلامتك ويارب تعملها على خير يارب

متشكره لانك خصيتنى بالدعوه فى التاج بس اللى عندى مكفينى بجد وكفايه اوى وممكن اعتذر عنهم كلهم
ترجعلنا بالسلامه يارب
وربنا يكملك الجيش على خير

أسير الجراح يقول...

احمد الشاعر



تم الرد يا باشا


واشكرك على الدعوة الجميلة



اسير الجراح

أسير الجراح يقول...

حبيبة


ربنا يخليكى يارب


اوكى زى ما تحبى يا قمر



كل سنة وانتى طيبة



اسير الجراح

ريمان يقول...

هههههه

ايه التاج الجامد ده

لاء اجابات جميله والله

وربنا يحقق لك كل اللى تتمناه

ويا رب تخلص جيشك على خير ان شاء الله

مع تحياتى

رندا يقول...

انا جيت اطمن عليك

ها اخبارك اية يارب تكون بخير يارب

انا بدعيلك من كل قلبى يارب يتقبل منى

الف تحية وسلام

رندا

أسير الجراح يقول...

الاخت الغالية ريمان


كل سنة وانتى طيبة


شكرا ليكى يا قمر على تعليقك الجميل



اسير الجراح

أسير الجراح يقول...

اختى الغالية رونى


شكرا يا ارق رونى


اطمنى انا الحمد لله بخير


انا قدامى حوالى شهر


وان شاء الله ارجع تانى


اشكرك ياحن قلب



اسير الجراح

رندا يقول...

يارب يارب يارب

يرجعك سالم غانم


ربنا معاك يارب

كل الدعاء من كل قلبى


رندا

ريمان يقول...

اسير

خلى بالك من نفسك

وبلاش تغيب كتير اوى

منتظرينك

ربنا يوفقك يا رب ويحققلك كل احلامك وييسر لك امرك

خلى بالك من نفسك

يا رب ترجعلنا بالسلامه

ماء تشرين يقول...

اى ده عمليه تانى
ربنا يقومك بالسلامه بجد طمنا عليك

رندا يقول...

قلبى بيدعيك كتير
ربنا يرجعك بالف سلامة
ويحفظك من كل شر
ان شاء الله هتكون كويس وزى الفل

ربنا معاك ويحميك
ومعانا على غيابك

رندا

كـــيــــــــارا يقول...

اجاباتك جميله وان شاء الله العمليه تنجح وتقوملنا بالف سلامه وترجعلنا تاني