اهلا بكم فى مدونة اسير الجراح

السبت، 28 فبراير، 2009

خربشة قلم لحظة الضعف



فى لحظه ما كنت اتمنى البكاء

وعندما بكيت اردت اعتصار قلبى من الالم

وعندما شعرت بنار تحطم فؤاد قلبى اردت ان استقل بنفسى

بعيد عن الناس وعندما انفردت بنفسى مرة اخرى

انهمرت دموعى رغما عنى فانا لا املكها لا اسيطر عليها

اريد الرحيل لمكان اشعر فيه بالامان

بعدما فقدتة اريد ان المس تلك اليد مرة اخرى

لاشعر بالدفء عندما تذهب لتراه ولم تجده

عندما تناديه ولم يرد لك جواب

عندما تنظر من حولك وتجد ان العالم موحش وغريب

وانك مثل من ولد من جديد وينتظر من يلفه ويستر عورته

عندما تشعر بالانكسار فليس امامك سوى واحد فقط

لابد ان تلجاء اليه فى هذه الظروف

الى الله ادعو له

اقترب منه

ابكى لاجله

مد يديك تضرعا

اسالك الصبر يارب اسالك ان لا تحملنى فوق طاقتى

اسالك الصبر والصبر و الصبر يارب

وددت اضحك فبكيت

وددت ابكى فغرقت فى بحر دموعى

وددت امشى فتعثرت

وددت اصرخ فمات فى جوفى الكلام

اعذرونى وتحملوا نزيف قلمى !!!

هناك 24 تعليقًا:

الازهرى يقول...

اول تعليق

الازهرى يقول...

شكلها كده بقت عاده
مبروك اولا على الشكل الجديد
وبعدين نقرأ ونرجع

أسير الجراح يقول...

منور يا حبيب قلبى والله


مشتنيك اهو


الله يبارك فيك


ويارب الشكل الجديد يكون عجبك


مستنى التعليق اهو

سلام يا غالى

الازهرى يقول...

وددت اصرخ فمات فى جوفى الكلام

نحتمل اى شىء ولكن ان تموت الكلمت فى اعماقنا
فهنا نقف لنرى احزاننا
لاننا لو لم نعبر عنها بكلماتنا لنخرجها لسكنتنا وضاعت السعادة منا فى بحر الاحزان
ويضيع الامل


تحياتى وعتابى

نفرتارى يقول...

لا تترك عينك للدموع لا تترك قلبك للانسكار لا تترك نفسك للغرق فى احزانك
اجعل لحياتك شكل وطعم جديد .
ارجع لتفاؤلك .. ارجع لحبك للحياة والدنيا .

تحياتى ،،

نفرتارى

أسير الجراح يقول...

اخى الغالى الازهرى


شكرا ليك

وزعلان بتعاتب عليا

بقولك انا على الميل كلمنى


weka_weka49@yahoo.com

أسير الجراح يقول...

نفرتارى


ان شاء الله اكيد كل حاجة هتتغير


دعواتك معانا

نورتينى يا قمرايا


اسير الجراح

sendrlla يقول...


أسير الجراح
انا للأسف مش جايه علشان اعلق على البوست
انا جاية علشان أسألك على حاجه
ايه دا
http://live.link0777.com/ForumsV2/ShowPost.aspx?PostID=356523

ودا كمان
http://asereljera7.yoo7.com/montada-f10/topic-t234.htm

مش دا الشعر بتاعى وانا اللى كاتباه

صدقنى محدش يقدر يكتبه غيرى أنا

سندريلا

sendrlla يقول...

لو سمحت صحح الوضع

اذا بتقدر

fnoonh يقول...

يبدو ان الجرح كبير والحزن قد سيطر عليك من جميع الجوانب
كل ما اقوله لك لا تستسلم والا فلن تعيش
تحياتي

ريمان يقول...

السلام عليكم


اسير

لا تستسلم للحزن

ولا للبكاء


اجعل التفاؤل طريق

وصاحب الامل


تحياتى ليك

فراشة يقول...

ومن لنا غيره نلجأ اليه
هون عليك فإنك تلجأ لاجمل ملجأ
والله حتى ان وجد شخصا عنده الحل او نشكو له
لن نجد عنده جمال طعم اللجوء الى الله والتذلل له
اسير الجراح كلماتك جميلة ورقيقة جدا
ولكنها تحمل الالم الشديد والعذاب
اتمنى زوال هذا عنك قريبا
ولكنك وجدت الحل وجدت ملجأك
فهنيئا لك
اتمنى لك السعادة
تحياتى

عاشقه الرومانسيه يقول...

ايه ده؟ ايه ده؟
ياخبر ابيض
ماااااالك؟
عموما انت لقيت الحل
ربنا يهديك لما يحب ويرضى

أسير الجراح يقول...

سندريلا

وانا مش محتاج التعليق بتاعك

وشكرا ليكى على حسن ظنك

عموما انا رديت عليكى فى مدونتك


وشكرا لمرورك بعد غيابك

بسؤء الظن

نورتى


اسير الجراح

أسير الجراح يقول...

fnoonh


على فكرة ولا حزن ولا جرح


دى حاجة انا كتبتها يعنى احساس

مش اكتر

كل التقدير

اسير الجراح

أسير الجراح يقول...

ريمان

مشكورة اختى الغالية على مرورك


وعلى تعليقك

لكى كل الود


اسير الجراح

أسير الجراح يقول...

فراشة

فعلا مفيش احسن من ان الانسان يلجأ لربنا

فى اى وقت مش لازم وقت الشدة

بس على فكرة البوست دة احساس

مش عملى يعنى

نورتى يا قمرايا


اسير الجراح

أسير الجراح يقول...

عاشقة


ازيك الاول

طمنينى عليكى

اتمنى تكونى بخير

لا مفيش هو شوية احساس حبيت اخرجهم

فخرجم بالشكل دة

نورتى


اسير الجراح

Esraa Hamed يقول...

السلام عليكم

ازي حضرتك يا ا/أحمد

كنت عايزة ادعي حضرتك
لحضور توقيع كتابي
"أحيانا و أحيانا" يوم 11 مارس 2009
الساعة 7 مساءا
بمكتبة البلد أمام الجامعة الأمريكية

http://www.facebook.com/event.php?eid=133120355079#/event.php?eid=133120355079


اتمني ان تشرفني بالحضور
:)


************
لي عودة مرة اخري للتعليق علي البوست

أسير الجراح يقول...

الاخت الغالية جدا اسراء

الف مبروك يا قمرايا

والله على عينى بجد والله غظب عنى ممكن مقدرش اجى

لانى فى الجيش وممكن مش اكون فى اجازة

بجد انا اسف يا قمرايا واوعى تفكرى انى بتهرب

وبعدين انا هسافر من اسكندرية

علشان اغلى منك يعنى

عموما مليون مبروك يا اسراء

لكن ليا طلب لو تسمحى

ممكن حفلة فى اسكندرية
وصدقينى مش هتاخر عليكى يعنى ان شاء الله اكون موجود

شكرا يا اسراء على الدعوة

واسف على عدم تواجدى


كل التقدير


اسير الجراح

sendrlla يقول...

اسير الجراح
انا ما نشرتش التعليق
علشان ماحدش ياخد باله من الموضوع لحد ما اتأكد
مش اكتر
لأنى كنت متأكده ان مش انت
بس
فقلت خلاص ما لوش لازمة انى أكبر الموضوع وأخلى حد ياخد باله
حتى لما حبيت اقولك على مدونتك حبيت اقول بشكل مختلف بحيث ان محدش ياخد باله
بس اظاهر ان تشابه الأسماء بيشوه الحقيقة
سورى فعلا على التصادم دا
بس انا كنت حاسه ان ما انك اللى راح تعمل كده
وموضوع التعليق انك مش محتاجه دى حاجه ترجع ليك وانا فعلا بطلت ادخل مدونات من زمان
................
سندريلا
سلام

*البت المشمشية *حلوة بس شقية * يقول...

ياااااااااااااا ايه كمية الحزن والكأبة دى

أسير الجراح يقول...

حضرتك دخلتى قولتى اصحح الوضع

ولا اية يا سندريلا

معنى كدة ان حضرتك ثبتى ان انا فعلا الجانى

انى اعمل حاجة زى دى

عموما يا سندريلا

حصل خير

أسير الجراح يقول...

البنت المشمشية

منورة يا قمرايا البلوج

اهو تقولى اية بقى غاوى نكد


هههههههههههههههة

كل الود


اسير الجراح