اهلا بكم فى مدونة اسير الجراح

الاثنين، 2 مارس، 2009

اقرار

السلام عليكم ورحمة الله وبركاتة

الاخوة والاخوات

اتمنى من الله انى اكون كنت عند حسن ضن الجميع

للاسف انا قررت انى ابعد عن عالم التدويد وابعد عن الصداقة الجميلة

ودة غظب عنى لانى بجد مش حمل انى اتهم بتهم مش كويسة واسمع كلام من اى حد

اذا كان الحد دة يستاهل او ما يستهلش

انا جالى من يومين تعليق على مدونتى بتهم فى انى سارق شعر من مدونة اخرى

وبعتلى اسم المنتدى اللى هو دة (http://live.link0777.com/ForumsV2/ShowPost.aspx?PostID=356523)

ودة كمان (http://asereljera7.yoo7.com/montada-f10/topic-t234.htm)
وعموما انا اول مرة اشوف اسم اسير الجراح على ساحة التدوين او غيرها

وصاحبة الشعر اللى هى مدونة طبعا بتقولى يا ريت اصحح الوضع

يعنى اقول ان الشعر مش بتاعى فى منتدى انا مش اعرفة من الاساس

اولا يا انسة انا عمرى ما اخدت حاجة حد

وبعدين انا لما انشر حاجة مش من حقى بقول انها منقول

عموما انا مش زعلان من اللى حصل لكن المفروض كان الكلام اتاخد بأمور هادية شوية

وفعلا انا كسبت صداقة ناس كتير من عالم التدوين واتعرفت على اشخاص كلها كويسة

لكن فى حاجة انى لما حد يتهمنى بحاجة زى دي اتغلب علية لكن دى للاسف مش اول مرة

كان فى امرة واحد دخل يعلق وقال كلام ما يتقلش


بس قدرت انى اتغلب علية وعلى تعليقة وعرفتة ان هو غلط


سورى يا جماعة انا مش قادر اكمل والله لانى فعلا فى حالة زهول من الموقف

انا ليا طلب

لو حد انا زعلتة فى يوم من الايام او قولتلة حاجة تضايقة

يسامحنى لانى انا عمرى ما بشيل من حد

والله انا بسبب التعليق دة ما عرفت انا م حسيت ان دة اتهام وانا فعلا اللى عملت كدة

اتمنى من ربنا سبحانة وتعالى انى فعلا اكون وفقت فى العالم اللى انا عشت فية

اجمل فترة من فترات الحياة ويارب ما يكونش حد زعلان منى فى حاجة

كل التقدير والاحترام لاجمل مدونين واجمل قلوب

اخوكم فى الله

احمد الدسوقى

اسير الجراح


هناك 14 تعليقًا:

fnoonh يقول...

ليه يا احمد كان مفروض توضح وهل ده سبب كافي انك عشانه تسيب التدوين
عموما هيكون لك وحشة عند المدونين جدا والله
تقبل خالص تحياتي واتمنى ماتكونش زعلان من اي حد من المدونين المنهم انا طبعا

ماء تشرين يقول...

يسلاااااام ياأحمد ياعنى انت دلوقتى بتأكد كلهم والمفروض انك تكون أقوى من كده ياما هما الناس البيحولو يهدو وانت بنيت أحلمنا معاك حسيت بينا وحسينا بيك ببساطه كده تقول ماشي لا طبعا احنا مش عايزينك تسيب التدوين علشان ناس منعرفهاش احنا نعرفك انت

الفراشة الصغيرة يقول...

يا بنى اللى يقول يقول

المفروض انك تكون اقوى من كده وتقول بالبنط العريض انه ده شعرك

وطالما احنا مصدقينك خلاص
لكن انت كده هتنفذ اللى هما عاوزينه
وممكن يعملوا كده مع ناس كتير معنى ده اننا نسيب التدوين بقى
علشان اللى قال واللى عاد
لا يا احمد انا مش معاك

وبقولك احنا عاوزينك

mohamed ghalia يقول...

ايه يا أسير الجراح مالك
لازم تتحمل النقد وتواجه
مش من الأول تهرب كده
منتظرين كتاباتك

رومانسى مشاكس يقول...

ايه يا ويكا الكلام الى انتا بتقوله ده


هوا ايه الى تسيب التدوين


وليه عشان حاجة انتا معملتهاش


انت لو سبت التدوين هتبقى بتاكد الى بيتقال وبتستلم لشيئ انتا معملتوش


وبعدين احنا عرفين كويس مين اسير الجراح

الى بنستنى كل بوست


لا كل كلمة يكتبه

عشان نعيش فى عالم جميل عالم اسير الجراح

يريت متحرمناش من جمال كتابتك

وتعليقاتك الجميلة

اخوك

رومانسى مشاكس

كيــــــــــــارا يقول...

كلامك دا ملكك

دافع عنه بكل قوه مش تقول خلاص انا ماشي

sendrlla يقول...


انت ليه عملت كده يا أحمد
ما كانش ليه لازمة الموضوع دا خالص يا احمد

يا عم انا اسفالك
انا قلت احنا صحاب والموضوع منتهى بينى وبينك بس ليه انت عملت كده يا احمد انت عملت زى اللى بيقول ياللى ما تعرفش اعرف
انت لازم تحذف البوست دا والمفروض اننا أكبر من كده
وبعدين انا صدقت والموضوع كان بينى وبينك بس ليه تدخل أطراف تانيه وانا اصلا ماعملتش كده
بجد انا اسفه انا كنت مفكره هلاقى دماغ تانيه خالص وانا اعتذرتلك وقولتلك انى كنت متأكده ان مش انت وخلاص بجد انا اللى اسفه ليك انا اللى قررت فعلا اقفل المدونة
.............
سندريلا

نفرتارى يقول...

اخى العزيز ،،

لي سؤال وانت صاحب الاجابة ..
انت علشان خاطر الناس اللى بيهجموك عاوز تسيب التدوين والناس اللى بيحبوك ويحبهم ؟؟
طيب فين خاطر الناس اللى بيحبوك ما ليهم خاطر عندك ؟؟

فى انتظار اجابتك ...!!!

نفرتارى

فراشة يقول...

السلام عليكم
ليه كده بس يا احمد
مادمت انت صاحب الحق اوعى تتنازل عنه
ولازم تدافع عنه بكل ثقه واصرار
من غير متضايق نفسك
بصراحه انا ما قرتش هذا التعليق
بس مش يمكن كان قصدها انك لو كلامك مسروق منك تدخل تدافع عنه وتثبت انه حقك
يعنى ممكن يكون قصدها انك تاخد بالك ان فى حد تانى بيسرقوا
والله اعلم بالنوايا
المهم احنا حنفتقد كلمتك الجميلة
وعندى امل انك حتراجع نفسك تانى
اصل القلم ملوش وقت ولا سيطرة
وقت ما بيحب يكتب بيكتب ماينفعش نسكته
تحياتى واتمنى لك السعادة

sendrlla يقول...

يابنى الموضوع صغير جدا
وانا خلاص حبيت اتكلم من باب العشم
وبعدين انا أصلا بحب أقرا كل الكلمات اللى بتكتبها والأشعار
وتقريبا متابعة جيده للمدونة
يبقى القرار دا ايه لازمته اصلا
ليه بتعمل موقف من غير موقف
تقريبا أنا اعتذرت
بس واضح ان الاعتذار غير مقبول
انسحب الآن من ساحه الصراع

sendrlla يقول...

وبعدين انا لاقيت اللى كاتب اسمع سعد
واول مره دلوقتى اعرف ان اسمك احمد والله
يعنى الموضوع تشابه أسماء بس انت كبرت الحكاية أوى

أسير الجراح يقول...

اعتزر عن القرار الخطا

لكم كل التحية


اسير الجراح

رومانسى مشاكس يقول...

ايوا


اشطة عليك بجد كنت هزعل اوى اوى اوى اوى اوى

بس الحمد لله

امسح باءة البوست ده


تحياتى


رومانسى مشاكس

بسنت يقول...

اولا يا احمد انت يمكن عايز تسيب التدوين علشان حاجات كتيره مضايقاك
ودا حقك انك ترتاح زى ما انت عايز بس ترجع تانى
الواحد بيتعلم من اخطائه اما عن ظلمك واتهام ناس تانيه ليك
دا طبيعى وموجود فى منتديات كتيره
عادى يعنى ما دمت صاحب حق من حقك تدافع عن نفسك واللى عاجبه ماشى مش عاجبه براحته بردوا
حاجه اخيره
انا للاسف ما عرفت اقرى الكلام اللى بالخط الاحمر لانه غير واضح لان الخلفيه بتاعتك كلها رسم فالخط متداخل مع الصوره
يا ريت لو فى فرصه لتغير الخلفيه المصوره بواحده توضح المكتوب
دمت طيب