اهلا بكم فى مدونة اسير الجراح

الأحد، 22 مارس، 2009

هتوحشونى


السلام عليكم ورحمة الله وبركاتة


ازيكم يا شباب وحشتونى جدا


والله كان نفسى اكون متواجد جدا معاكم الايام اللى جاية


لكن فى ظروف منعانى من المدونة ومن اصدقائى ومن كل الناس اللى بحبهم


انا نفسيتى تعبانى جدا ومش طايق اسمع كلام من حد


وكارة الدنيا دنيا الخداع والكذب


انا عشت فى عالم التدوين اجمل ايام عمرى


اتعرفت على شخصيات جميلة حبيت كل الناس اللى فى عالم التدوين


وعرفت يعنى اية الانسان لما بيكسب صديق جديد بتبقى حياتة عاملة ازاى


قربت من ناس كتيرة جدا بس للاسف مش عرفتهم معرفة شخصية


لكن على علاقة بيهم بنود بعض بالتليفون


ودى بالنسبالى سعادة بالدنيا طبعا لان الانسان دة مش صديق زى الناس اللى انا معاهم فى معظم الوقت لكن بيتصل وبيقدر


انا مش عارف انا بقول الكلام دة لية


لكن انا حسيت انى محتاج اتكلم واقول اللى جوايا


واللى حاسس بية

اسف يا جماعة لو كلامى بايخ


لكن بجد اعزرونى لانى فاقد حجات كتيرة جدا فى حياتى


احمد مرسى


وابراهيم مرسى


اجمل قلبين فى حياتى


بجد انا بحبكم جدا ومش اقدر استغنى عنكم


هيما حبيب قلبى هتوحشنى جدا فى الايام اللى جاية


ترجع بالف سلامة يا نور عينى


احمد انت معايا فى معظم الاوقات


هتوحشنى جدا وبجد ربنا ما يحرمنى منكم



عاشقة الرومانسية


الاسكندرانية الاصيلة


كان نفسى اكون موجود فى تعارف المدونين


لكن غظب عنى والله


بس امانة عليكى بقى تسلميلى على كل المدونين


هههههههههههههههههههة


طلب اسكندرانى مخصوص


لا اله الا الله



هتوحشونى جدا


اسير الجراح

هناك 14 تعليقًا:

fnoonh يقول...

وانت كمان يااسير الجراح
ان شاء الله غيبتك دي ماتطولش ولما تيجيلنا تيجيلنا باسم تاني يكون عاشق الحياة
واسع الامل
حاجة كده تدل على التفاؤل
تحياتيييييييييييي
ماتغبش كتير

Hannoda يقول...

ايه الفاجأة ده؟؟
أنا جاية لأول مرة عشان أتعرف عليك ألاقي الكلام ده؟؟

فاهمة قد ايه المود ده بيلف الواحد و مابيقدرش يخرج منه بسهولة
بس ليه ماتجربش تيجي

يمكن تكسب معرفة جديدة
يمكن تلاقي معنى أو فكرة أو احساس يمسح من جواك الالم
اتمنى انك ترجع في قرارك لحد بعد بكرة
و سعيدة جدا اني اتعرفت على مدونتك حتى لو كان هو ده المود اللي لقيته في أول مرة أزورك فيها

لكن أتوقع صداقة جميلة قدام

:)

تحياتي ليك

نهر الحب يقول...

اسير الجراح

تروح وتجى بالسلامة ان شاء الله
بس يارب متطوليش الغيبة

mohamed ghalia يقول...

ايه يابنى بس حصل ايه تانى
ليه كل ده
عموما فى إنتظارك دوما

نفرتارى يقول...

نحن فى انتظارك وانتظار ترجع لنا ببوست رائع كعادتك ان شاء الله .

تحياتى ودمت بكل خير ،،


نفرتارى

ريمان يقول...

هانت يا عم وتخلص من الجيش المنيل ده


ربنا يرجعك بالسلامه يا رب يا احمد


تحياتى ليك


المهم خلى بالك من نفسك

ريمان يقول...

هانت يا عم وتخلص من الجيش المنيل ده


ربنا يرجعك بالسلامه يا رب يا احمد


تحياتى ليك


المهم خلى بالك من نفسك

حـــــدوتـــــة يقول...

السلام عليكم

الجيش للرجاله يا وحش
تروح وتيجى بالسلامة

سلالالالالالالالالالالالالالالالالالالالالالالام

فراشة يقول...

اكيد كلنا حنفتقدك جدا يا أحمد
بس بتمنى ترجع بسرعة وتكون افضل
وحياتك تملئها السعادة والامل
حاول فى الفترة اللى حتبعد فيها تغير اللى متضايقك ودور على شىء جديد يسعدك دور على حاجه تقربك من ربنا حتلاقى اكيد السعادة
بجد حنفتقد كلمتك الحلوة وتعليقاتك اللى تجنن
اتمنى انك تعدل فكرة البعد
وتحياتى ليك
يا شاعر الشجن الجميل

انت تسال والكمبيوتر يجيب يقول...

دعوه
الأخ العزيز/او الأخت العزيزه
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://dear.to/cairo

اعترافات قلب يقول...

ايه يا جميل الكلام الملئ بالوجع ده

صدقنى الدنيا ده زى ما فيها الوحش فيها الحلو انظر دائما لنصف الكوب الممتلئ
لا يستطيع أحد تغير حياتك وجعلك سعيد سوى أنت ، أنت فقط من يجعلك سعيد انظر الى شئ آخر غير الالم والجراح انظر الى هذه الدنيا بنظرة بها تفاؤل وأمل ستجد ما يجعلك تعيش من أجله، إذا لم تجد من يبادلك الحب أو يعطيك بعض الحنان أعطيه أنت للناس أغضك عليهم مما أعطاك الله من حب وحنان يمتلئ بهم قلبك

تحياتى وأتمنى رجوعك مسرعا
وحاول تيجى لقاء المدونين
شيمو القمر

Batoooot يقول...

السلام عليكم
ايه ياعمنا اللى حصل لكل ده
والله كل حاجه بتهون وبتعدى ومفيش اقرب من الايام هيفوتوا هواء ول يهمك
على العموم خلى بالك على نفسك
تحياتى بطووط

MISS\GH يقول...

مستنيينك بجد متطولش الغيبه عننا كلنا اصدقائك واخواتك
واكيد طبعا هتوحشنا ولو بتحبنا بجد زى ما بتقول متغيبش عننا كتير
اتمنى لك ان تنسى كل شىء جعلك تحس بتلك الاحاسيس ويارب تتبدل كلها بامل وحب جديد وتفاؤل

زهرة الكاميليا يقول...

رايح فين؟؟

يعنى اجازة شوية؟؟

؟؟؟

):